ఓయ్ అమ్మా...తెలిసిందిలే...తెలిసేపోయిందిలే నీ బ్యూటీ సీక్రెట్..! నువ్వు అంత అందమైనదానివీ..ఇంత అందమైన దానివీ అని ఆ శంకరాచార్యులవారు ఎకాయెకీ ఓ వంద శ్లోకాలు రాసేశారే..ఆ అందం తాలూకు అసలు రహస్యం మేం గ్రహించేశాంలే..!
షహనాజ్ హుస్సేన్ అనీ,ఓ పేద్ద బ్యుటీషియను..నీకు తెలీకపోవడమేమిటిలే...నువ్వు ఆవిడ చెప్పిన సీక్రెట్లన్నీ తూచా తప్పకుండా పాటిస్తున్నావని ఇవేళ అర్ధమైంది నాకు. భారతదేశంలో కోకొల్లలుగా దొరికే (ఇప్పుడు తగ్గిపోతున్నాయనుకో) వనమూలికలూ, సహజ ఉత్పత్తులతోనే బ్రహ్మాండమైన అందాన్ని సొంతం చేసుకోవచ్చునన్నది షహనాజ్ హుస్సేన్ మాట. అది నీకు తెలిసిపోయింది. బహుశా కైలాసంలో కూచునే ఇంటర్నెట్ లో చూసేసి ఉంటావు. నువ్వు ఏమేం చూశావో...వాటిని నువ్వు ఎలా పాటిస్తున్నావన్నది మేం ఏం గ్రహించామో వరసగా చెబుతాను విను...
పాలని మించిన క్లీన్సర్ లేదన్నది షహనాజ్ తో సహా బ్యుటీషియన్లంతా ఏకగ్రీవంగా ముక్తకంఠంతో చెబుతున్న మాట. ఆ పాలు..అవి కూడా నీళ్లల్లాంటివి కావు...చక్కటి చిక్కటి పాలతో ఏకంగా ఒళ్లంతా క్లీన్ చేసుకుంటున్నావు నువ్వు. ఒళ్లంతా తడిసిందా లేదా అని చేత్తో తడిమి తడిమి చూస్తూ బిందెల కొద్దీ పాలతో నీ సేవకులు నీకు తానం చేయిస్తున్నారు. ఆగాగు...ముందసలు పాలు కానే కాదు...పసుపు.
భారతీయ స్త్రీకి పసుపే పరదైవతమని పూర్వీకులే కాదు...ఈ కాలపు బ్యూటీషియన్లు సైతం మొత్తుకుంటున్నారు. "పసుపూ చందనాల అపూర్వ సంగమం" అంటూ వికో టర్మరిక్ వాళ్లు గొంతు చించుకున్నారు చూశావా..."శెనగపిండిలో కాస్త పసుపు, పెరుగు వేసి ఆ ముద్దని ముఖానికి పట్టించుకుని ఓ అరగంట ఉండి కడుక్కోండి...మీ ముఖసౌందర్యానికి మీరే అబ్బురపడండి" అని షహనాజ్ హుస్సేన్ తన బ్లాగుల్లోనూ, తన వెబ్సైట్ లోనూ కూడా గోల పెడుతూ ఉంటుందే ఆ పసుపుని ముందు ఒళ్లంతా పట్టించుకుంటున్నావు నువ్వు. తర్వాత నీకు మరే సొంత బ్యుటీషియను చెప్పిందో గాని ఒళ్లంతా కుంకుమ కూడా అలదుకుంటున్నావు. బహుశా నీ "అరుణారుణ వర్ణానికి" కారణం ఇదే అయి ఉంటుంది. ఆ తర్వాత వికో టర్మరిక్ వాళ్ల అడ్వర్టైజ్మెంట్ లో మాదిరిగా శరీరానికి చందన చర్చ చేయించుకుంటున్నావు.
"చందన చర్చిత నీల కళేబర పీతవసన వనమాలీ" అన్నాడు గాని జయదేవుడు, నీకు జరుగుతున్నట్టు ఏ కృష్ణుడికి జరుగుతోంది తల్లీ చందన చర్చ...?? పాపం అప్పుడెప్పుడో ద్వాపరయుగంలో యదుకులబాంధవుడై పుట్టి ఏ చందన సేవలందుకున్నాడో గాని నల్లనయ్య...ఇప్పుడు వెన్నక్కూడా మొహం వాచిపోతున్నాడిక్కడ...(అంటే తెలుగునాట)
సరేలే ఇప్పుడా గోలంతా ఎందుక్కానీ, చందన చర్చ అయ్యాక అప్పుడు మొదలవుతుంది నీ పాల స్నానం. "రేపొచ్చి పాడేటి భూపాల రాగాలు పన్నీటి జలకాలు పాలాభిషేకాలు" అన్నారు చూశావా కవిగారు...అవన్నీ వెంకన్నతో పోటా పోటీగా జరుగుతున్నది నీకే కదమ్మా...ఎన్ని చేసినా పాపం వెంకన్న నల్లనయ్యే...నువ్వు మాత్రం ఎర్రెర్రని గులాబీరేకుల్ని పాలల్లో నానబెట్టినట్టూ మెరిసిపోతూ ఉంటావు. అదే ఆ బ్యూటీ సీక్రెట్టే చెబుతున్నా...
ఒకటా..రెండా..ఏకంగా మూడు బిందెల పాలు..అవును మరి, విశ్వాంతరాళమంతా నిండి ఉన్న భువనేశ్వరివి కదా నువ్వు...నీ ఒళ్లంతా నిండారా తడవాలంటే ఆ మాత్రం పాలుండొద్దూ...బాత్రూం లో మ్యూజిక్ పెట్టుకుని మనసుకు నచ్చిన సంగీతం వింటూ హాయిగా జలకాలాడుతున్నట్టు లయబధ్ధంగా మంత్రాలు వినిపిస్తూ మరీ నీకు క్షీరాభిషేకం చేయిస్తారు నీ సేవకులు. అవన్నీ ఉట్టి పాలు మాత్రమే కావన్న సంగతి మాకు తెలిసిపోయిందిలేవమ్మా...పాలు, పెరుగు, తేనె, నెయ్యి, పంచదార...పంచామృతాలు. అవిగాక సహజామృతమైన పరిశుధ్ధజలం. కొబ్బరినీళ్లూ, సెంటూ, విభూతీ, రోజ్ వాటరూ ఇంకా ఇతరమైన సుగంధ ద్రవ్యాలూ..ఎన్ని వీలైతే అన్నీ కలగలిపి... వీటన్నిటితో అరోమా బాత్ తీసుకుంటావు నువ్వు. మరింక నీ అందానికేం..??!!
ఇక్కడితో అయిపోయిందా...ఏటి పొడవునా చన్నీటి స్నానం చేస్తే మనసూ శరీరమూ ఫస్టుగా ఉంటాయన్నది ఇటు డాక్టర్లూ, అటు బ్యుటీషియన్లూ ఇద్దరూ కలిసికట్టుగా చెప్పే మాట. ఒకప్పుడు గురుదేవులు రవీంద్రనాథ్ ఠాగూర్ అలా చేసేవారుట. అది కూడా ఏదో ఒక బకెట్టు నీళ్లతో కాకి స్నానం గాకుండా తనివి దీరా ఓ నాలుగైదు గంగాళాల నీళ్లు స్నానం చేస్తే ఆ ఒంటి తీరే వేరు. ఈ సంగతి నీకు తెలిసిపోయింది. హాయిగా నిశ్చింతగా కూచుని, పక్కనున్న కొళాయిలోంచి ధారగా పడుతూన్న చల్లని నీటిని..మాలా ఓ బుడ్డిచెంబుతో కాదు...బుల్లి బిందెతో తీసి నువ్వు నిలువెల్లా తలమీంచీ తడిసేలా నీ సేవకులు పోస్తూంటే...హాయిగా చల చల్లగా కనీసం ఓ అరగంట సేపు స్నానం చేస్తావు నువ్వు. మండు వేసవిలోనైనా అదే స్నానం...గడ్డకట్టించే చలిలోనైనా అదే చన్నీటి స్నానం..! మరిక నీ బాడీ మెరిసిపోకేం..??!!
అయిందా...స్నానం అయ్యాక మాలా ఏదో హడావిడిగా ఓ బట్ట చుట్టేసుకుని పరుగు తియ్యవు నువ్వు. ముందు నీ "చికుర నికురుంబ"మంతా (కేశపాశం) అరోమాటిక్ గా పరిమళించేలా సాంబ్రాణి ధూపం వేసుకుంటావు. ఆనక చక్కని చీరని అంచులన్నీ చక్కగా కనబడేలా కడతారు నీ సేవకులు.దాంతో నీ మనసు హాయిగా ఉండి ముఖం కమలంలా విచ్చుకుంటుంది. ఆ తర్వాత ఉంటుందమ్మా అసలైన అరోమా...ఒకటా రెండా...ఏ సీజన్ లో దొరికే పువ్వులు ఆ సీజన్ లో..ఎర్రెర్రని మందారాలు,గుమ్మెత్తించే గులాబీలు, మనసు దోచే మల్లెపూలు, సన్నని పరిమళాల సన్నజాజులు, కళ్లకు ఆహ్లాదాన్నిచ్చే బంతులు, చామంతులు, అపురూపంగా దొరికే నాగమల్లి పూలు... నీ ఒళ్లంతా ఈ అరోమాలతోనే నిండిపోతుంటే "అరోమా థెరపీని మించింది లేదన్న" బ్యూటీషియన్ల మాటల్ని నువ్వు ఎంత తూచా తప్పకుండా పాటిస్తున్నావో తెలీడంలేదూ..??!!
ఇక్కడితో అయిందా..."అందచందాల కోసం ఒంటికి ఏవేవో పూసేసుకుంటే చాలదు. లోపలకి తీసుకునే ఆహారం కూడా బావుండా"లన్నది డాక్టర్లూ, బ్యూటీషియన్లూ కలిసికట్టుగా చెప్పే మాట. అది కూడా నువ్వు ఎంతగా పాటిస్తున్నావో నాకీవేళ బాగా తెలిసిందిలే. ఒకటా రెండా...యాపిలు పళ్లు, ద్రాక్షలు, దానిమ్మ, ఎర్రరటి, పచ్చరటి, ఆకుపచ్చరటి, ఖర్జూరం..ఇలా బోలెడన్ని పళ్లూ, ...తేనె, పాలు..నెలలో మూడొంతుల రోజులు ఇదీ నీ ఆహారం..! ఇలా పాలూ పళ్లూ, కొబ్బరినీళ్లమీద బతుకుతూంటే మరిక నువ్వు జీరో ఫిగర్ మెయింటైన్ చెయ్యకేం..??!!
మీ ఆయన ఆ పరమశివుడు కనబడినప్పుడల్లా నువ్వు మోకాళ్లమీద వంగి నమస్కారాలు చేస్తూ ఉంటావుట. "సువృత్తాభ్యాం పత్యుః ప్రణతి కఠినాభ్యాం" అని నీ మోకాళ్లని ఆ శంకరాచార్యులవారే వర్ణిస్తూ..నీ పర్ఫెక్ట్ ఫిగర్ తాలూకు ఎక్సర్సైజ్ రహస్యాన్ని చెప్పేశారు. మరి మా జీవితాలన్నీ నిలబడే గడిచిపోతాయి గాబట్టి, మొగుడి సంగతి దేవుడెరుగు, మేం ఎరిగీ మరిచీ కన్నవాళ్లకి కూడా మోకాళ్లమీద వంగి దండం పెట్టం కాబట్టి.. నీకు సాష్టాంగపడటానికి కూడా మా శరీరాలు సహకరించవు గదా..! ఇక మాకు ఫిగరొకటీ...!!
మొత్తానికి బ్రహ్మాండమైన అరోమా థెరపీలు, బ్యూటీ ట్రీట్ మెంట్లు,ఆహారం, ఎక్సర్సైజులు...ఇవే నీ బ్యూటీ సీక్రెట్లు. అవునా...చూశావా మేం ఎలా గ్రహించేశామో...!!
అయితే మాకు మరో విషయం కూడా తెలుసులే...ఆస్కార్ వైల్డ్ "ద పిక్చర్ ఆఫ్ డొరియన్ గ్రే" లో చెప్పినట్టు అద్వితీయమైన నీ నిర్మలాంతఃకరణమే నీ అందానికి ప్రధమ కారణం..!! నీకున్నదీ మాకు లేనిదీ అదే..! అందుకే...ఓ లలిత లలితమైన తల్లీ...నీకు శతకోటి నమస్సులు!! నీ సౌందర్య లహరికి వేవేల జేజేలు..!!
మా లలితాపీఠంలో ప్రతి శుక్రవారమూ అమ్మవారికి చేసే పంచామృతాభిషేకం చూసిన తర్వాత...నా తల్లితో నేను ఆడుకున్న వేళాకోళమిది..! "ఎంత బావున్నావో ఓవిడా" అంటూ బుగ్గపోటు పొడిస్తే అందులో అసలు సిసలు ప్రేమనూ అభిమానాన్నీ అమ్మ గ్రహిస్తుంది కాబట్టి...ఆ తల్లికే ఇది అంకితం..!!
షహనాజ్ హుస్సేన్ అనీ,ఓ పేద్ద బ్యుటీషియను..నీకు తెలీకపోవడమేమిటిలే...నువ్వు ఆవిడ చెప్పిన సీక్రెట్లన్నీ తూచా తప్పకుండా పాటిస్తున్నావని ఇవేళ అర్ధమైంది నాకు. భారతదేశంలో కోకొల్లలుగా దొరికే (ఇప్పుడు తగ్గిపోతున్నాయనుకో) వనమూలికలూ, సహజ ఉత్పత్తులతోనే బ్రహ్మాండమైన అందాన్ని సొంతం చేసుకోవచ్చునన్నది షహనాజ్ హుస్సేన్ మాట. అది నీకు తెలిసిపోయింది. బహుశా కైలాసంలో కూచునే ఇంటర్నెట్ లో చూసేసి ఉంటావు. నువ్వు ఏమేం చూశావో...వాటిని నువ్వు ఎలా పాటిస్తున్నావన్నది మేం ఏం గ్రహించామో వరసగా చెబుతాను విను...
పాలని మించిన క్లీన్సర్ లేదన్నది షహనాజ్ తో సహా బ్యుటీషియన్లంతా ఏకగ్రీవంగా ముక్తకంఠంతో చెబుతున్న మాట. ఆ పాలు..అవి కూడా నీళ్లల్లాంటివి కావు...చక్కటి చిక్కటి పాలతో ఏకంగా ఒళ్లంతా క్లీన్ చేసుకుంటున్నావు నువ్వు. ఒళ్లంతా తడిసిందా లేదా అని చేత్తో తడిమి తడిమి చూస్తూ బిందెల కొద్దీ పాలతో నీ సేవకులు నీకు తానం చేయిస్తున్నారు. ఆగాగు...ముందసలు పాలు కానే కాదు...పసుపు.
భారతీయ స్త్రీకి పసుపే పరదైవతమని పూర్వీకులే కాదు...ఈ కాలపు బ్యూటీషియన్లు సైతం మొత్తుకుంటున్నారు. "పసుపూ చందనాల అపూర్వ సంగమం" అంటూ వికో టర్మరిక్ వాళ్లు గొంతు చించుకున్నారు చూశావా..."శెనగపిండిలో కాస్త పసుపు, పెరుగు వేసి ఆ ముద్దని ముఖానికి పట్టించుకుని ఓ అరగంట ఉండి కడుక్కోండి...మీ ముఖసౌందర్యానికి మీరే అబ్బురపడండి" అని షహనాజ్ హుస్సేన్ తన బ్లాగుల్లోనూ, తన వెబ్సైట్ లోనూ కూడా గోల పెడుతూ ఉంటుందే ఆ పసుపుని ముందు ఒళ్లంతా పట్టించుకుంటున్నావు నువ్వు. తర్వాత నీకు మరే సొంత బ్యుటీషియను చెప్పిందో గాని ఒళ్లంతా కుంకుమ కూడా అలదుకుంటున్నావు. బహుశా నీ "అరుణారుణ వర్ణానికి" కారణం ఇదే అయి ఉంటుంది. ఆ తర్వాత వికో టర్మరిక్ వాళ్ల అడ్వర్టైజ్మెంట్ లో మాదిరిగా శరీరానికి చందన చర్చ చేయించుకుంటున్నావు.
"చందన చర్చిత నీల కళేబర పీతవసన వనమాలీ" అన్నాడు గాని జయదేవుడు, నీకు జరుగుతున్నట్టు ఏ కృష్ణుడికి జరుగుతోంది తల్లీ చందన చర్చ...?? పాపం అప్పుడెప్పుడో ద్వాపరయుగంలో యదుకులబాంధవుడై పుట్టి ఏ చందన సేవలందుకున్నాడో గాని నల్లనయ్య...ఇప్పుడు వెన్నక్కూడా మొహం వాచిపోతున్నాడిక్కడ...(అంటే తెలుగునాట)
సరేలే ఇప్పుడా గోలంతా ఎందుక్కానీ, చందన చర్చ అయ్యాక అప్పుడు మొదలవుతుంది నీ పాల స్నానం. "రేపొచ్చి పాడేటి భూపాల రాగాలు పన్నీటి జలకాలు పాలాభిషేకాలు" అన్నారు చూశావా కవిగారు...అవన్నీ వెంకన్నతో పోటా పోటీగా జరుగుతున్నది నీకే కదమ్మా...ఎన్ని చేసినా పాపం వెంకన్న నల్లనయ్యే...నువ్వు మాత్రం ఎర్రెర్రని గులాబీరేకుల్ని పాలల్లో నానబెట్టినట్టూ మెరిసిపోతూ ఉంటావు. అదే ఆ బ్యూటీ సీక్రెట్టే చెబుతున్నా...
ఒకటా..రెండా..ఏకంగా మూడు బిందెల పాలు..అవును మరి, విశ్వాంతరాళమంతా నిండి ఉన్న భువనేశ్వరివి కదా నువ్వు...నీ ఒళ్లంతా నిండారా తడవాలంటే ఆ మాత్రం పాలుండొద్దూ...బాత్రూం లో మ్యూజిక్ పెట్టుకుని మనసుకు నచ్చిన సంగీతం వింటూ హాయిగా జలకాలాడుతున్నట్టు లయబధ్ధంగా మంత్రాలు వినిపిస్తూ మరీ నీకు క్షీరాభిషేకం చేయిస్తారు నీ సేవకులు. అవన్నీ ఉట్టి పాలు మాత్రమే కావన్న సంగతి మాకు తెలిసిపోయిందిలేవమ్మా...పాలు, పెరుగు, తేనె, నెయ్యి, పంచదార...పంచామృతాలు. అవిగాక సహజామృతమైన పరిశుధ్ధజలం. కొబ్బరినీళ్లూ, సెంటూ, విభూతీ, రోజ్ వాటరూ ఇంకా ఇతరమైన సుగంధ ద్రవ్యాలూ..ఎన్ని వీలైతే అన్నీ కలగలిపి... వీటన్నిటితో అరోమా బాత్ తీసుకుంటావు నువ్వు. మరింక నీ అందానికేం..??!!
ఇక్కడితో అయిపోయిందా...ఏటి పొడవునా చన్నీటి స్నానం చేస్తే మనసూ శరీరమూ ఫస్టుగా ఉంటాయన్నది ఇటు డాక్టర్లూ, అటు బ్యుటీషియన్లూ ఇద్దరూ కలిసికట్టుగా చెప్పే మాట. ఒకప్పుడు గురుదేవులు రవీంద్రనాథ్ ఠాగూర్ అలా చేసేవారుట. అది కూడా ఏదో ఒక బకెట్టు నీళ్లతో కాకి స్నానం గాకుండా తనివి దీరా ఓ నాలుగైదు గంగాళాల నీళ్లు స్నానం చేస్తే ఆ ఒంటి తీరే వేరు. ఈ సంగతి నీకు తెలిసిపోయింది. హాయిగా నిశ్చింతగా కూచుని, పక్కనున్న కొళాయిలోంచి ధారగా పడుతూన్న చల్లని నీటిని..మాలా ఓ బుడ్డిచెంబుతో కాదు...బుల్లి బిందెతో తీసి నువ్వు నిలువెల్లా తలమీంచీ తడిసేలా నీ సేవకులు పోస్తూంటే...హాయిగా చల చల్లగా కనీసం ఓ అరగంట సేపు స్నానం చేస్తావు నువ్వు. మండు వేసవిలోనైనా అదే స్నానం...గడ్డకట్టించే చలిలోనైనా అదే చన్నీటి స్నానం..! మరిక నీ బాడీ మెరిసిపోకేం..??!!
అయిందా...స్నానం అయ్యాక మాలా ఏదో హడావిడిగా ఓ బట్ట చుట్టేసుకుని పరుగు తియ్యవు నువ్వు. ముందు నీ "చికుర నికురుంబ"మంతా (కేశపాశం) అరోమాటిక్ గా పరిమళించేలా సాంబ్రాణి ధూపం వేసుకుంటావు. ఆనక చక్కని చీరని అంచులన్నీ చక్కగా కనబడేలా కడతారు నీ సేవకులు.దాంతో నీ మనసు హాయిగా ఉండి ముఖం కమలంలా విచ్చుకుంటుంది. ఆ తర్వాత ఉంటుందమ్మా అసలైన అరోమా...ఒకటా రెండా...ఏ సీజన్ లో దొరికే పువ్వులు ఆ సీజన్ లో..ఎర్రెర్రని మందారాలు,గుమ్మెత్తించే గులాబీలు, మనసు దోచే మల్లెపూలు, సన్నని పరిమళాల సన్నజాజులు, కళ్లకు ఆహ్లాదాన్నిచ్చే బంతులు, చామంతులు, అపురూపంగా దొరికే నాగమల్లి పూలు... నీ ఒళ్లంతా ఈ అరోమాలతోనే నిండిపోతుంటే "అరోమా థెరపీని మించింది లేదన్న" బ్యూటీషియన్ల మాటల్ని నువ్వు ఎంత తూచా తప్పకుండా పాటిస్తున్నావో తెలీడంలేదూ..??!!
ఇక్కడితో అయిందా..."అందచందాల కోసం ఒంటికి ఏవేవో పూసేసుకుంటే చాలదు. లోపలకి తీసుకునే ఆహారం కూడా బావుండా"లన్నది డాక్టర్లూ, బ్యూటీషియన్లూ కలిసికట్టుగా చెప్పే మాట. అది కూడా నువ్వు ఎంతగా పాటిస్తున్నావో నాకీవేళ బాగా తెలిసిందిలే. ఒకటా రెండా...యాపిలు పళ్లు, ద్రాక్షలు, దానిమ్మ, ఎర్రరటి, పచ్చరటి, ఆకుపచ్చరటి, ఖర్జూరం..ఇలా బోలెడన్ని పళ్లూ, ...తేనె, పాలు..నెలలో మూడొంతుల రోజులు ఇదీ నీ ఆహారం..! ఇలా పాలూ పళ్లూ, కొబ్బరినీళ్లమీద బతుకుతూంటే మరిక నువ్వు జీరో ఫిగర్ మెయింటైన్ చెయ్యకేం..??!!
మీ ఆయన ఆ పరమశివుడు కనబడినప్పుడల్లా నువ్వు మోకాళ్లమీద వంగి నమస్కారాలు చేస్తూ ఉంటావుట. "సువృత్తాభ్యాం పత్యుః ప్రణతి కఠినాభ్యాం" అని నీ మోకాళ్లని ఆ శంకరాచార్యులవారే వర్ణిస్తూ..నీ పర్ఫెక్ట్ ఫిగర్ తాలూకు ఎక్సర్సైజ్ రహస్యాన్ని చెప్పేశారు. మరి మా జీవితాలన్నీ నిలబడే గడిచిపోతాయి గాబట్టి, మొగుడి సంగతి దేవుడెరుగు, మేం ఎరిగీ మరిచీ కన్నవాళ్లకి కూడా మోకాళ్లమీద వంగి దండం పెట్టం కాబట్టి.. నీకు సాష్టాంగపడటానికి కూడా మా శరీరాలు సహకరించవు గదా..! ఇక మాకు ఫిగరొకటీ...!!
మొత్తానికి బ్రహ్మాండమైన అరోమా థెరపీలు, బ్యూటీ ట్రీట్ మెంట్లు,ఆహారం, ఎక్సర్సైజులు...ఇవే నీ బ్యూటీ సీక్రెట్లు. అవునా...చూశావా మేం ఎలా గ్రహించేశామో...!!
అయితే మాకు మరో విషయం కూడా తెలుసులే...ఆస్కార్ వైల్డ్ "ద పిక్చర్ ఆఫ్ డొరియన్ గ్రే" లో చెప్పినట్టు అద్వితీయమైన నీ నిర్మలాంతఃకరణమే నీ అందానికి ప్రధమ కారణం..!! నీకున్నదీ మాకు లేనిదీ అదే..! అందుకే...ఓ లలిత లలితమైన తల్లీ...నీకు శతకోటి నమస్సులు!! నీ సౌందర్య లహరికి వేవేల జేజేలు..!!
మా లలితాపీఠంలో ప్రతి శుక్రవారమూ అమ్మవారికి చేసే పంచామృతాభిషేకం చూసిన తర్వాత...నా తల్లితో నేను ఆడుకున్న వేళాకోళమిది..! "ఎంత బావున్నావో ఓవిడా" అంటూ బుగ్గపోటు పొడిస్తే అందులో అసలు సిసలు ప్రేమనూ అభిమానాన్నీ అమ్మ గ్రహిస్తుంది కాబట్టి...ఆ తల్లికే ఇది అంకితం..!!
కామెంట్‌లు లేవు:
కామెంట్‌ను పోస్ట్ చేయండి